శ్రీ నూకాంబిక అమ్మవారి సన్నిధిలో వైభవంగా సామూహిక ధనలక్ష్మి పూజలు

అనకాపల్లి (గవరపాలెం):
ఉత్తరాంధ్ర ఇలవేల్పు, ప్రముఖ పుణ్యక్షేత్రమైన అనకాపల్లి గవరపాలెంలో వెలసిన శ్రీ నూకాంబిక అమ్మవారి దేవస్థానంలో ఆశ్వయుజ మాసం ధన త్రయోదశి సందర్భంగా శుక్రవారం సామూహిక ధనలక్ష్మి పూజలు అత్యంత వైభవంగా జరిగాయి. ఆలయ కల్యాణ/పూజా మండపంలో మహిళలు పెద్ద సంఖ్యలో పాల్గొని శాస్త్రోక్తంగా అమ్మవారికి ప్రత్యేక పూజలు నిర్వహించారు. ఈ సందర్భంగా ఆలయం భక్తిపరవశంతో కళకళలాడింది. పూజానంతరం భక్తులకు తీర్థప్రసాదాలు పంపిణీ చేశారు.
ఈ పూజా కార్యక్రమంలో ఆలయ దేవస్థాన చైర్మన్ పీలా నాగశ్రీను (గొల్ల బాబు), ఆలయ సహాయ కమిషనర్ బుద్ధ మహాలక్ష్మినగేష్, ఆలయ ధర్మకర్తలు సూరే సతీష్, దాడి రవికుమార్, పొలిమేర స్వాతి ఆనంద్, మారిశెట్టి శంకర్రావు, కాండ్రేగుల రాజారావు, మజ్జి జానకి శ్రీనివాసరావు, కొడుకుల శ్రీకాంత్, వడ్డాది మంగ, కోనేటి సూర్యలక్ష్మి పైడిరాజు, యర్రవరపు సంతోషి కుమారినాగేష్ తదితరులు పాల్గొన్నారు.