ఎన్నికల తర్వాతా ప్రజలతోనే ఉంటా.. 109వ వార్డులో కోరిబిల్లి పరి ఆత్మీయ కలయిక

ఈ సందర్భంగా కోరిబిల్లి పరి మాట్లాడుతూ ఎన్నికల సమయంలో తనకు అండగా నిలిచిన ప్రతి ఒక్కరికీ హృదయపూర్వక ధన్యవాదాలు తెలిపారు. పార్టీ నాయకులు, కార్యకర్తలు, మహిళలు, యువత, అభిమానులు అందించిన సహకారం, చూపిన ఆదరణను ఎప్పటికీ మరచిపోలేనని అన్నారు.

ఎన్నికలు ముగిసినంత మాత్రాన ప్రజలతో తనకున్న సంబంధాలు ముగిసిపోవని స్పష్టం చేశారు. రాజకీయాలకు అతీతంగా వార్డు ప్రజలతో నిరంతరం మమేకమవుతూ, వారి సమస్యలను తెలుసుకుని పరిష్కారానికి తనవంతు ప్రయత్నం చేస్తానని పేర్కొన్నారు. వార్డులో మౌలిక సదుపాయాల అభివృద్ధి, ప్రజా సమస్యల పరిష్కారం తన ప్రాధాన్యతలని తెలిపారు.

ప్రజలకు ఎల్లప్పుడూ అందుబాటులో ఉంటూ వారి సుఖదుఃఖాల్లో భాగస్వామిగా ఉంటానని భరోసా ఇచ్చారు. ఎన్నికల సమయంలో తనకు మద్దతుగా నిలిచిన ప్రతి ఒక్కరితో భవిష్యత్తులోనూ ఇదే అనుబంధాన్ని కొనసాగిస్తానని తెలిపారు.

ఈ కార్యక్రమంలో అనకాపల్లి కాంగ్రెస్ పార్టీ ఇంచార్జి మలపరెడ్డి కోటేశ్వరరావు, బుద్ధ మహేష్, కాళ్ల వెంకట సత్యనారాయణ, సత్యనారాయణ, తుట్టా రమణ, కొండబాబు, బుద్ధ కిషోర్, మున్నా, నవీన్ తదితర నాయకులు, కార్యకర్తలు పాల్గొన్నారు.

ఎన్నికల ఫలితాలతో సంబంధం లేకుండా ప్రజల మధ్య ఉంటూ వారి అభివృద్ధికి కృషి చేయాలనే సంకల్పంతో నిర్వహించిన ఈ ఆత్మీయ సమావేశం ఉత్సాహభరిత వాతావరణంలో ముగిసింది.