​రికార్డు విజయం: 2,44,644 ఓట్ల అత్యధిక మెజార్టీతో విశాఖ మేయర్‌గా ఎన్నికైన ముక్కా శ్రావణి

విశాఖ అభివృద్ధికి సంపూర్ణ సహకారం: మాజీ ఎమ్మెల్యే పీలా గోవింద సత్యనారాయణ
​రికార్డు మెజార్టీతో గెలిచిన విశాఖ మేయర్ ముక్కా శ్రావణికి ఘన సత్కారం
​గాజువాక (విశాఖపట్నం):
విశాఖ నగర సమగ్ర అభివృద్ధికి ప్రభుత్వం తరఫున, వ్యక్తిగతంగా తన తరఫున పూర్తి సహాయ సహకారాలు అందిస్తామని APUFIDC చైర్మన్, మాజీ శాసనసభ్యులు, అనకాపల్లి నియోజకవర్గ టీడీపీ ఇన్‌చార్జి శ్రీ పీలా గోవింద సత్యనారాయణ స్పష్టం చేశారు.
​విశాఖపట్నం నగర మేయర్‌గా ప్రజల ఆదరాభిమానాలతో 2,44,644 ఓట్ల భారీ మెజార్టీతో చారిత్రక విజయం సాధించిన శ్రీమతి ముక్కా శ్రావణిని ఆయన ఘనంగా సత్కరించారు. గాజువాకలోని పార్టీ కార్యాలయంలో శాలువా కప్పి, పుష్పగుచ్ఛం అందించి శుభాకాంక్షలు తెలిపారు.

​నగర ప్రగతికి సంపూర్ణ సహకారం: పీలా గోవింద
​ఈ సందర్భంగా పీలా గోవింద సత్యనారాయణ మాట్లాడుతూ— విశాఖ నగరాన్ని అన్ని రంగాల్లో అగ్రగామిగా తీర్చిదిద్దేందుకు మేయర్ ముక్కా శ్రావణి గారికి సంపూర్ణ మద్దతు ఉంటుందని భరోసా ఇచ్చారు. నగరంలో మౌలిక వసతుల కల్పన, ప్రజా సమస్యల పరిష్కారం సహా నగర అభివృద్ధి కోసం చేపట్టే ఏ కార్యక్రమానికైనా తన వంతు సహకారాన్ని నిరంతరం అందిస్తానని స్పష్టం చేశారు.
​ఈ సత్కార కార్యక్రమంలో అనకాపల్లి మండలానికి చెందిన తెలుగుదేశం పార్టీ నాయకులు, కార్యకర్తలు పెద్ద సంఖ్యలో పాల్గొని నూతన మేయర్ ముక్కా శ్రావణి గారికి శుభాకాంక్షలు తెలియజేశారు.