అర్హులైన పేదలకు సీఎం రిలీఫ్ ఫండ్‌తో ఆర్థిక భరోసా

అనకాపల్లి నియోజకవర్గ పరిధిలో అర్హులైన లబ్ధిదారులకు ముఖ్యమంత్రి సహాయ నిధి చెక్కులను జిల్లా టీడీపీ అధ్యక్షుడు బత్తుల తాతయ్య బాబుతో కలిసి ఆయన పంపిణీ చేశారు.

ఈ సందర్భంగా పీలా గోవింద సత్యనారాయణ మాట్లాడుతూ.. అనారోగ్య సమస్యల కారణంగా ప్రైవేట్ ఆసుపత్రుల్లో చికిత్స పొందిన పేద, మధ్యతరగతి కుటుంబాలు ప్రభుత్వ నిబంధనలకు అనుగుణంగా సీఎం రిలీఫ్ ఫండ్‌కు దరఖాస్తు చేసుకోవచ్చని తెలిపారు. అర్హతలను పరిశీలించిన అనంతరం ముఖ్యమంత్రి సహాయ నిధి ద్వారా ఆర్థిక సహాయం అందించేందుకు ప్రభుత్వం చర్యలు తీసుకుంటోందని వివరించారు.

వైద్య ఖర్చుల కారణంగా ఆర్థిక ఇబ్బందులు ఎదుర్కొంటున్న కుటుంబాలకు ఈ సహాయం ఎంతో ఉపయోగకరంగా ఉంటుందని పేర్కొన్నారు. అవసరమైన పత్రాలతో అర్హులైన వారు దరఖాస్తు చేసుకుని ఈ పథకాన్ని సద్వినియోగం చేసుకోవాలని సూచించారు. ప్రజలకు అవసరమైన సమయంలో అండగా నిలవడమే ప్రభుత్వ సంకల్పమని అన్నారు.

ఈ కార్యక్రమంలో 112వ వార్డు టీడీపీ ఇంచార్జి పోలారపు త్రినాథ్, కశింకోట మండల క్లస్టర్ ఇంచార్జి-3 కాండ్రేగుల సతీష్, కో-క్లస్టర్ ఇంచార్జి కొణతాల గణేష్, ఎంపీటీసీ తలారి ధనలక్ష్మి కాశీ, గౌరీ పీఏసీఎస్ డైరెక్టర్ కాండ్రేగుల నూకేశ్వరరావు (చిన్న), బోండా ప్రసాద్ తదితర నాయకులు, కార్యకర్తలు, లబ్ధిదారులు పాల్గొన్నారు.