సంపతిపురంలో 626 పట్టాదారు పాస్ పుస్తకాల పంపిణీ

గ్రామంలో రీ సర్వే పూర్తయిన నేపథ్యంలో మొత్తం 626 ఖాతాలకు సంబంధించి 626 పట్టాదారు పాస్ పుస్తకాలను జిల్లా కలెక్టర్ విజయ కృష్ణన్ బుధవారం ఉదయం అర్హులైన భూ యజమానులకు అందజేశారు.

ఈ సందర్భంగా కలెక్టర్ మాట్లాడుతూ.. భూములకు సంబంధించిన రికార్డుల్లో పారదర్శకత తీసుకురావడంతో పాటు, భూ యజమానులకు తమ ఆస్తులపై స్పష్టమైన హక్కులు కల్పించేందుకు ప్రభుత్వం రీ సర్వే కార్యక్రమాన్ని ప్రతిష్టాత్మకంగా అమలు చేస్తోందని తెలిపారు.

రీ సర్వే పూర్తయిన గ్రామాల్లో అర్హులైన భూ యజమానులందరికీ పట్టాదారు పాస్ పుస్తకాలు అందజేసే ప్రక్రియ కొనసాగుతోందన్నారు. భవిష్యత్తులో భూములకు సంబంధించిన సమస్యలు, వివాదాలు తగ్గేందుకు ఈ కార్యక్రమం దోహదపడుతుందని పేర్కొన్నారు.

ఈ కార్యక్రమంలో ఇంచార్జ్ ఆర్డీవో శ్రీనివాసరావు, తహసీల్దార్ జి. ఆనందరావు తదితర రెవెన్యూ అధికారులు పాల్గొన్నారు.